jump to navigation

பாதை மாறிய நதி 09 7, 2008

Posted by simba in News.
8 comments

ஒரு உண்மை சம்பவம்

என்னடா இவன் பீடிகை பலமா போடுகிறானே என்று யாரும் அச்சப்பட வேண்டாம்.  நான் இரண்டு நாட்களுக்கு முன் எனது பள்ளி தோழனை சந்திக்க நேர்ந்தது. “அவனாட நீ” என்று ஆச்சிரியப்பட வைத்தது அவனிடம் இருந்து பெறப்பட்ட செய்திகள். இப்படி எல்லாம் நடக்குமா, என்று எண்ணிய பல விசயங்களை, இப்படித்தான் நடக்கும் என்று உணர்த்தியது அவன் கூறிய உண்மைகள். இதை படிக்க குறைந்தது பத்து நிமிடங்களாவது ஆகும். ஆகையால் நேரம் இருக்கும் நண்பர்கள் மேலே படிக்கவும்.

பள்ளி நாட்கள்:

இவனை பற்றி சொல்வதற்கு குறைந்தது பள்ளியில் படிக்கும் காலத்தில் இருந்தாவது நான் ஆரம்பிக்க வேண்டும். ஆம் 12 வருடங்களுக்கு முன்னர் நாங்கள் இருவரும் ஒரே வகுப்பறையில் (படித்தோமா என்பது வேற விஷயம்) பயின்ற மாணவர்கள்.  நண்பனுக்கு சதுரங்க ஆட்டம் என்றால் உயிர். மிகவும் நேர்த்தியாக விளையாடுவான். ஆனால் பாடங்களை கற்பதில் சிறிது ஆர்வம் குறைவு. He is an Outstanding Person. ஆகையால் அவன் மைதானத்திலும், இன்னும் மேலாக பள்ளியை விட்டே விலகியிருந்த  காலங்களே அதிகம். எனவே அங்கு பயின்ற அத்தனை மாணவர்களுக்கும் அவன் தெரிந்த முகமானான்.

ஒரு முறை விடுமுறை நாளில் பள்ளி ஆசிரியர்கள் அனைவரும் திரைப்படத்திற்கு சென்றனர். அடிப்பொடி வேலைக்கு நானும் என்னுடன் சேர்ந்து சில மாணவர்களும் அவர்களுடன் சென்றோம். அதில் நமது நண்பனும் ஒருவன்.  திரை அரங்கில் ஏற்ப்பட்ட ஒரு கசப்பான நிகழ்ச்சியால், கோபமடைந்த நமது நண்பன், இதற்க்கு காரணமான ஒருவனின் கபாலத்தில் கோலி ஆடிவிட்டன். (அவனை தடுக்க சென்ற எனக்கு அவனை காட்டிலும் அதிகான அடி என்பது வேறு).  இந்த சம்பவம் வெளியே தெரிந்தால் பள்ளிக்கு கெட்ட பேர் என்று அந்த முழு பூசினியை மறைத்து விட்டார்கள்.  இதன் மூலம் நமது நண்பனுக்கு பள்ளியில் வேறு பெயர் சூட்டி மகிழ்ந்தார்கள். இந்த இடத்தில் ஒன்றை குறிப்பிட்டாக வேண்டும். அது அவனது உதவும் குணம். படிப்பு மட்டும் தான் சரியில்லையே தவிர வேறு எந்த குறையும் சொல்ல முடியாது.

வருடங்கள் கழிந்தன.  பத்தாம் வகுப்பு தேர்வில் கோட்டை விட்ட நண்பனை ஒரு two wheeler work shop இல் வேலைக்கு சேர்த்துவிட்டார் அவரது தந்தை.  ஆறு மாதங்களில் தொழிலை கற்றுக்கொண்டு புதிததாக ஒரு கடையை திறந்தான். அதுவரை மைதானத்தில் சுற்றிய நாங்கள் அவனது கடையில் முகாமிட ஆரம்பித்தோம். chess , carom என விடுமுறை நாட்களில் களைகட்டும். வாகன பழுது நீக்கும் இடம் என்பதால் பலபேருடைய நடப்பு அவனுக்கு கிடைத்தது. ஆனால் அவனது மனம் பழுதடைந்தது.

நண்பனுக்காக:

சில நாட்களில் நண்பனின் தொடர்பு விட்டுப்போனது. வேலை தேடி நான் வேறு ஊருக்கு வந்ததால் பல வருடம் கழித்து அவனை சந்தித்தேன். இனி வருவன யாவும் அவன் சொல்லி நான் தெரிந்துகொண்டது.

நாட்கள் போக போக அவனுக்கென்று ஒரு இடத்தை இந்த சமூகத்தில் உறுதி செய்து கொண்டான். இந்நிலையில் நட்பு வட்டத்துக்குள் இருந்த ஒருவனுக்கு காதல் அரும்பியது. சில நாட்களில் அது இருதலைக்காதல் ஆனது. இதற்கு உதவியது நம்ம நண்பன் தான். ( love ku help pannatha friends aa).  தனது காதலியை கைபிடிக்க நண்பனிடம் உதவி கோரப்பட்டது. அந்த பெண்ணோ மிகவும் பெரிய இடத்துப்பெண். (இங்க தான் ட்விஸ்ட் ங்கோ)

அவனது நண்பனுக்கு காதலி வேண்டும், தனக்கு பேர் வேண்டும் என்று யோசித்த நண்பன், (இவனது வாடிக்கையாளர்களில் ஏட்டும் ஒருவர். ஒருமுறை விசாரணைக்காக ஒருவனை கூடிச்சென்று, மீண்டும் விசாரணை முடித்து கையுடன் அழைத்து வந்துள்ளார். இதை பற்றி நண்பன் அவரிடம் கேட்ட பொழுது ” முன்ன ஒரு தடவ இப்படித்தான் ஒருத்தன விசாரிச்சு அனுப்பினோம். அவன் வீட்டுக்கு போகம பொய் தற்கொல பண்ணிக்கிட்டான். ஏகப்பட்ட பஞ்சாயத்து ஆய்ருச்சு. அதான் யாரு ஒருத்தன கூட்டிட்டு வர்றமோ அவங்களே மறுபடி கொண்டுபோய் வீட்ல விட்டுட்டு வருவோம் ” என்று கூறியுள்ளார்.) இந்த பிரச்சனையை தனக்கு சாதகமாக்கி கொள்ள எண்ணி , தனது நண்பனிடம் சென்று ” உன் காதலியில் அப்பாவிடம் சென்று நேரடியாக பெண் கேளு. வருவதை நான் பார்த்துகொள்கிறேன், என்று கூறியுள்ளான். இவனின் சொல்படி நடந்த நண்பன் மறுநாள் விசாரணைக்காக அழைத்து செல்லப்பட்டான்.

மாறிய பாதை:

பொதுவாக அங்கு உள்ள காவல்நிலையங்களில் காவலாளிகளின் எண்ணிக்கை குறைவாக இருக்கும். எனவே மாலை வரை நண்பனின் நண்பரிடம் விசாரணை நடந்த பிறகு உணவு அளிப்பதற்காக உக்காரவைக்கப்பட்ட நேரத்தில் ஆள் பறந்து விட்டார். (பிறகு தான் தெரிந்தது இது அனைத்தும் நண்பனின் idea என்று). ஒரு பாதுகாப்பான இடத்தில் அவரை வைத்தபின் , நண்பர் உடனடியாக மறைத்து இருப்பவரின் பெற்றோரிடம் சென்று அவரை பற்றி தெரியாது போல் விசாரித்துள்ளார். அவர்களும் நடந்ததை கூறியுள்ளனர். ஆனால் எதற்கு காவல் நிலையம் கொண்டு சென்றனர் என்று தெரியவில்லை என்றும் சொன்னார்கள்.

இந்த சந்தர்ப்பத்துக்காக காத்திருந்த நண்பன் ” இதுக்கு லவ் மேட்டர் தான் காரணம். பொண்ணு பெரிய இடத்து பொண்ணு.  போலீஸ் இவன என்ன வேன்னளும் பண்ணலாம். நாம சீக்கிரம் போய் காப்பாத்தனும் ” என்று கூறி தன்னுடன் ஒரு கூட்டத்தை கூடிக்கொண்டு காவல் நிலையம் சென்றுள்ளான். அங்கு உடனடியாக தமது நண்பரை காட்டுங்கள் என்று கூச்சளிட்டுள்ளார். மேலும் நண்பரை கொன்றிருக்கலாம் என்றும் செய்தியை கசியவிட்டுள்ளான். அன்று இரவே “நண்பரின் மறைவிற்கு கண்ணேர் அஞ்சலி, இதற்கு காரணமான காவல்துறையை சேர்ந்தவர்கள் மீதும் அந்த பெண்ணின் தந்தை மீதும் நடவடிக்கை எடுக்க வேண்டும்” என்று போஸ்டர் ஒட்டியுள்ளான்.

அன்றே இந்த பிரச்சனை பொது பிரச்சனை ஆனது. நண்பனின் தலைமையில் கூட்டம் சேர்ந்து கொண்டே போனது. சம்பவம் நடந்த இரண்டாம் நாள் பெண்ணின் தந்தைக்கு ஒரு மர்ம அழைப்பு. அதில் விசாரணைக்காக அழைத்து வந்த பையன் எங்களிடம் உள்ளான். அவனுக்கு உனது மகளை திருமணன் செய்து வைக்க வேண்டும். மேலும் எங்களுக்கு ஒரு தொகை கொடுக்க வேண்டும். இன்னும் ஒரு மணி நேரத்தில் இது நடக்கவில்லை என்றால் பையனை கொன்று பழியை உன்மீது சுமத்திவிடுவோம் என்று மிரட்டியுள்ளனர்.  முடிவாக தனது நண்பனுக்கு அவர் காதலித்த பெண்ணை திருமணன் செய்து வைத்து, தனக்கு பேரும், பணமும் சேர்த்துக்கொண்டன்..

இந்த பிரச்சனையில் தனக்கு ஒரு கட்சியின் அறிமுகம் கிடைத்தது என்றும், பின்னாளில் அதே காட்சியில், தனக்கு ஒரு பதவி தந்தார்கள் என்றும் கூறினான். அதான் பிறகு பலவித கட்டப்பஞ்சயதுகள் இவனிடம் வந்ததாம். (போலீஸ் ச வே எதிர்த்தவன்) என்று ஒரு பட்டம். நாளுக்கு நாள் இவனை நாடி வந்த கூட்டமும் அதிகரித்து.  அந்த காட்சியில் அவனது பதவியும் அதிகரித்து. இப்போ தான் மாவட்ட அளவிலான ஒரு பதவியில் இருப்பதாகவும், ஓரளவு நல்ல சொத்து சேர்ந்துள்ளதாகவும் கூறினான். இத்தனைக்கும் அவனுக்கு 27 வயது தான் ஆகிறது.

நண்பர்களே இவ்வளவு நீண்ட கட்டுரையை இங்கு வெளியிட்ட காரணம் , இப்படியும் ஒரு மனிதன் மாற்றப்படுகிறான் அல்லது மாறுகிறான். இது யாருடைய தவறு. இன்று வரை அவன் என்னை மறக்கவில்லை. சதுரங்கதையும் மறக்கவில்லை. இருவரது தனிப்பட்ட வாழ்கையை மறந்து வெகு நேரம் சதுரங்கம் ஆடிக்கொண்டிருந்தோம். என்னதான் அவன் விடைபெற்று சென்றாலும் என் மனதில் உள்ள குழப்பம் மட்டும் இன்னும் மறையவில்லை. எனது பழைய நண்பன் இன்னும் அவனுள் இருக்கிறான்.  இருந்தும் இப்படி ஒரு வாழ்கை ஏன்?

தெரிஞ்சவங்க யாராச்சும் சொல்லுங்கப்பா.

Advertisements

09 4, 2008

Posted by simba in News.
3 comments

வணிகம் செய்யும் அன்பர்களுக்கு ஒரு இனிப்பான செய்தி

இது வரை வாரம் ஒருமுறை வந்து நம் அனைவரின் வயிற்றிலும் புளியை கரைத்த பணவீக்க விவரம் இனி அடுத்த மாதம் முதல் ஒவ்வொரு மாதமும் 15 ஆம் தேதியன்று வெளியிடப்படும் என்று ரிசர்வ் வங்கியின் புதிய ஆளுநராக நியமிக்கப்பட்டுள்ள சுப்பாராவ் அறிவித்துள்ளார்.

மத்திய அரசின் இரட்டை வேடம் 09 4, 2008

Posted by simba in News.
2 comments

ஒன்னுமே புரியல ஒலகத்துல என்னமோ நடக்குது மர்மமா இருக்குது

எது நடக்கக்கூடாது என்று நினைத்தோமோ அது நடந்து விடும் என்று இப்பொழுது நினைக்க தோன்றுகிறது. காரணம் மத்தியில் ஆளும் அரசின் இரட்டை வேடம். அணுசக்தி ஒப்பந்தத்தில் புதிது புதிதாக உருவாகும் சிக்கல்கள் அல்லது வெளிவரும் உண்மைகள் அனைத்தும் ஒவ்வொரு இந்தியனின் மனதிலும் பலவித கேள்விகளை எழுப்பியுள்ளன.

தான் நினைத்த காரியம் நடக்க வேண்டும் என்று ஒரே முடிவுடன் இந்தியாவின் இறையாண்மையை புஷ் அரசிடம் மாண்புமிகு இந்திய பிரதமர் அடகு வைத்து விட்டார் என்றே இப்பொழுது நடைபெறும் அரசியல் விளையாட்டுகள் உணர்த்துகின்றன.

9 மாதங்களாக காக்கப்பட்ட ரகசிய கடிதம் இப்பொழுது வெளியாகி உள்ளது. அதில் “இந்திய அரசு அணுஆயுத சோதனை நடத்துமானால் அடுத்த நொடியே இந்த ஒப்பந்தம் முறிந்துவிடும் ” என்று அதில் குறிபிடபப்படுள்ளதாக தகவல் வெளியாகி உள்ளது. இதில் நம்மை வியக்க வைத்த விஷயம் ” இந்த தகவல் அனைத்தும் இந்திய அரசிடம் முன்னரே தெரிவித்து விட்டோம். அதன் பிறகு இதில் எந்த மாற்றமும் செய்யப்படவில்லை. இந்திய அரசுக்கு தர்மசங்கடமான நிலை ஏற்படாமல் தடுக்கவே இந்த தகவலை வெளியிடாமல் தாமதித்தோம் ”  என்று  அமெரிக்காவின் வெளியுறவு கொள்கைகளுக்கான நாடுமன்ற உறுப்பினர்கள் குழுவின் தலைவர் பெர்மான் தெரிவித்துள்ளார்.

ஆனால் இந்திய அரசோ இதை பற்றி வெளிப்படையான கருத்துக்களை இதுவரை வெளியிடவில்லை. அமெரிக்கா நாட்டின் சட்டம் இந்திய அரசை கட்டுப்படுத்தாது. இது வெறும் ஒப்பந்தம் மட்டுமே என இன்று வரை அரைத்த மாவைவே அரைத்துக்கொண்டிருக்கிறது.  இதன் உண்மையான நிலை என்ன இதன் தாக்கம் எப்படி இருக்கும் என்று நண்பர்கள் உங்களின் பின்னூடங்களை எதிர்பார்கிறேன். .

09 3, 2008

Posted by simba in News.
2 comments

சதுர்த்தி தினமான இன்  நன்னாளில்  நண்பர்கள் அனைவரும் வளமும் நலமும் பெற்று வாழ்கை வசந்தமாக மாற எல்லாம் வல்ல விநாயக பெருமானை வணங்கி வழிபடுவோம்.


அனைவருக்கும் விநாயகர் சதுர்த்தி வாழ்த்துக்கள்

09 2, 2008

Posted by simba in News.
2 comments

அலற வைக்கும் மின் தட்டுபாடு

கடந்த ஒரு மாத காலமாக தமிழகத்தை புரட்டிபோட்டிருக்கும் விஷயம் மின் தட்டுபாடு. இரவில் தூங்க முடியவில்லை , படிக்க தெருவிளக்கு  கூட இல்லாமல் அல்லாடும் குழந்தைகள் , செய்துவரும் தொழிலை எவ்வாறு நடத்தி செல்வது என்று தெரியாமல் விழிபிதுங்கும் நிலையில் முதலாளிகள் , மனம் கவர்ந்த மகா தொடரை பார்க்க முடியாமல் மின்துறையை கரித்து கொட்டும் பெண்கள் இவ்வாறு அனைவரது சாபத்திற்கும் ஆளாகி இருக்கும் தமிழக அரசு தற்பொழுது சொல்லும் காரணம் போதிய மழை இல்லை காற்றாலை மின் உற்பத்தி குறைவு என்பதே.

ஆனால் இந்த நிலைக்கு என்ன காரணம் என்று சற்று உற்றுநோக்கினால் கிடைக்கும் தகவல்கள் நம்மை ஆச்சிரியப்பட வைக்கின்றன. மத்தியில் ஆளும் அரசு பணவீக்கம் உயர்ந்ததற்கு எப்படி சப்பை கட்டு கட்டியதோ அதே போல் தான் தற்பொழுது நிலவி வரும் மின் தட்டுப்பாட்டுக்கும்  சொல்கிறது.

நாட்டின் மொத்த தட்டுபாடு  தற்பொழுது 15% என்ற அளவில் உள்ளது. இதே தமிழகத்தை பொருத்த வரை மேலும் மோசமாகவே உள்ளது. அதிகரித்து வரும் பன்னாட்டு கம்பெனிகளின் முதலீடு குறைந்த கற்றாலை மின் உற்பத்தி , போன்றவற்றால் இப்பொழுது மொத்த தேவையில் 2,500mv அதிகரித்து உள்ளது.

தமிழக அரசின் ஒருசில கொள்கையால் இங்கு வரவேண்டிய பல காற்றாலைகள் வடஇந்தியாவை நோக்கி சென்றது, 2007 இல் செயலுக்கு வரவேண்டிய கூடான்குளம் அணுமின் உற்பத்தி 2009 வரை தள்ளி சென்றது , மேட்டூர் மற்றும் குந்தா விரிவாக்க திட்டங்கள் தள்ளிபோவது போன்ற பல காரணங்கள் இருந்தாலும் கடந்த பத்து வருட காலமாக மின் துறையில் சொல்லிக்கொள்ளும் படி எந்த ஒரு திட்டங்களும் நிறைவேற்றப்படவில்லை.

நிலைமை கைமிஞ்சி போவதற்குள் அரசு தகுந்த நடவடிக்கையில் இறங்காவிடில் நாம் இருளில் வாழ பழகிக்கொள்வதை தவிர வேறு வழி இல்லை.

08 30, 2008

Posted by simba in News.
2 comments

தமிழக முதல்வரின் அடுத்த அதிரடி

செப்டம்பர் 15 முதல் கிலோ அரிசி ரூ.1-க்கு நியாய விலைக்கடைகளில் வழங்கப்படும் என தமிழக முதல்வர் கருணாநிதி அறிவித்துள்ளார்.

செப்டம்பர் 15 அன்று துவங்கும் அறிஞர் அண்ணாவின் நூற்றாண்டு விழாவை முன்னிட்டு அன்று முதல் இத்திட்டம் நடைமுறைப்படுத்தப்படும் என அவர் தெரிவித்தார். இதன் மூலம் சுமார் 180 கோடியே 1 லட்சம் குடும்ப அட்டைதாரர்கள் பயன்பெறுவர் என அறிவிக்கப்பட்டுள்ளது. மேலும் இதன் மூலம் அரசுக்கு ஆண்டிற்கு 400 கோடி ரூபாய் செலவு ஏற்படுவதாகவும் அவர் தெரிவித்தார்.

இன்று மாலை நடைபெறும் அமைச்சர்கள் கூட்டத்தில் விலைவாசி உயர்வைக் கட்டுப்படுத்த அத்யாவசிய பொருட்களான பருப்பு வகைகள், சமையல் எண்ணெய் போன்ற பொருட்கள் குறைந்த விலையில் நியாய விலைக் கடைகளில் வழங்குவதுபற்றி கலந்தாலோசிக்கப்பட்டு அறிக்கை வெளியிடப்படும் எனவும் முதல்வர் அறிவித்துள்ளார். சென்ற ஆண்டு ரூ.2-க்கு விற்கப்பட்ட கிலோ அரிசி இந்த ஆண்டு ரூ.1-க்கு விற்கப்படுவதாக முதல்வர் வெளியிட்ட இந்த அறிவிப்பு மக்கள் இடையே பெருத்த வரவேற்பை பெற்று வருகிறது.

வீரத்திருமகள் 08 29, 2008

Posted by simba in News.
add a comment

உலகின் சக்தி வாய்ந்த பெண்கள் பட்டியலில் மாயாவதி!

உலகின் சக்தி வாய்ந்த பெண்கள்’ பட்டியலில் உத்தரபிரதேச முதல்வர் மாயாவதி இடம் பிடித்துள்ளார். இந்த பட்டியலில் கடந்த ஆண்டு 6வது இடத்தைப் பிடித்திருந்த காங்கிரஸ் தலைவர் சோனியாகாந்தி தற்போது 21வது இடத்திற்கு தள்ளப்பட்டுள்ளார்.

அமெரிக்காவின் ‘போர்ப்ஸ்’ பத்திரிகை ஆண்டுதோறும் உலகின் சக்தி வாய்ந்த 100 பெண்களின் பட்டியலை வெளியிட்டு வருகிறது. உலக முழுவதிலுமுள்ள பிரபலமான பெண்களின் பொதுசேவை, மக்கள் செல்வாக்கு, சாதனைகள், பொது வாழ்வில் அவர்களது பங்கு, மீடியா செல்வாக்கு ஆகியவற்றின் அடிப்படையில் இந்த பட்டியல் தேர்வு செய்யப்படுகிறது.

இந்த ஆண்டுக்கான 100 பேர் கொண்ட பட்டியலை, ‘போர்ப்ஸ்’ பத்திரிகை வெளியிட்டுள்ளது.

இதில், ஜெர்மன் அதிபர் ஏஞ்சலா மெர்கல் இந்த ஆண்டும் 3வது முறையாக முதல் இடத்தை தக்க வைத்துக் கொண்டுள்ளார். 2வது இடத்தில் அமெரிக்காவின் பெடரல் காப்பீடு நிறுவன தலைவர் ஷீலா பய்ரும், 3வது இடத்தில் இந்திய வம்சாவளியைச் சேர்ந்தவரும், பெப்சி நிறுவனத்தின் தலைமை நிர்வாகியுமான இந்திரா நூயியும் இடம் பெற்றுள்ளனர்.

கடந்த ஆண்டு 6வது இடத்தில் இருந்த காங்கிரஸ் தலைவர் சோனியாகாந்தி தற்போது 21வது இடத்தில் பின்தங்கியுள்ளார். இந்த பட்டியலில் அமெரிக்க வெளியுறவுத்துறை அமைச்சர் கண்டலீசா ரைஸ், முதல் 10 பெண்களில் ஒருவராக இடம் பெற்றுள்ளார். ஹிலாரி கிளின்டன் 28ம் இடத்தில் உள்ளார்.

இந்த பட்டியலில் ஆச்சரியமளிக்கும் விதமாக உத்தரபிரதேச முதல்வர் மாயாவதி இடம் பெற்றுள்ளார். 59வது இடத்தில் உள்ள மாயாவதி பற்றி ‘போர்ப்ஸ்’ பத்திரிகையில், “இந்தியாவின் அடுத்த பிரதமருக்கான போட்டியில் இருக்கும் முக்கியத் தலைவர் இவர். தாழ்த்தப்பட்ட வகுப்பை சேர்ந்த இவர், உயர் வகுப்பினரை கூட்டணி சேர்த்து உத்தரபிரதேச மாநிலத்தில் ஆட்சியை பிடித்துள்ளார்.

அமெரிக்க அணுசக்தி ஒப்பந்தம் மீதான நம்பிக்கை ஓட்டெடுப்பில் மத்திய அரசுக்கு எதிராக இவரது கட்சி வாக்களித்தது. மக்கள் செல்வாக்கு பெற்ற சக்தி வாய்ந்த தலைவர் இவர்” என்று குறிப்பிடப்பட்டுள்ளது.

08 28, 2008

Posted by simba in News.
add a comment

புதுச்சேரி புதிய முதல்வராக வைத்தியலிங்கம் தேர்வு

புதுச்சேரி முதல்வராக இருந்த ரங்கசாமி இன்று பதவி விலகிய நிலையில், மாநிலத்தின் புதிய முதல்வராக     வைத்தியலிங்கம் தேர்வு செய்யப்பட்டுள்ளார்.புதுச்சேரி மாநிலத்தில் முதல்வர் ரங்கசாமி தலைமையிலான காங்கிரஸ் ஆட்சி நடந்து வந்தது. ரங்கசாமிக்கு எதிராக அமைச்சர்கள் மற்றும் எம்.எல்.ஏ.க்கள் போர்க்கொடி தூக்கி ஆரம்பித்தனர். ரங்கசாமியை மாற்றும்படி மேலிடத்தை வலியுறுத்தி வந்தனர்.

இதன் காரணமாக, தனது பெரும்பான்மையை நிரூபிக்கும்படி ரங்கசாமிக்கு காங்கிரஸ் மேலிடம் உத்தரவிட்டது. ஆனால், பெரும்பாலான எம்.எல்.ஏ.க்கள் மற்றும் அமைச்சர்கள் ரங்கசாமிக்கு எதிராக இருந்ததால் அவரால் பெரும்பான்மையை நிரூபிக்க முடியவில்லை. இதனால், முதல்வர் பதவியிலிருந்து ரங்கசாமி இன்று விலகினார். தனது ராஜினாமா கடிதத்தை துணை ஆளுனர் கோவித் சிங் குர்ஷரிடம் வழங்கினார்.

.

சிங்கூர் நானோ கார் தொழிற்சாலை ஊழியர்களுக்கு மிரட்டல்

மேற்கு வங்கம் சிங்கூரில் இருக்கும் டாடாவின் நானோ கார் தொழிற்சாலை முன்பு கடந்த 24 ம் தேதியில் இருந்து தொடர்ந்து போராட்டம் நடத்தி வரும் திரிணாமுல் காங்கிரஸ் கட்சியினரால் இன்று அங்குள்ள தொழிலாளர்கள் மிரட்டப்பட்டதாக தெரிகிறது. இதனால் அனேகமாக அங்கு உற்பத்தி நிறுத்தப்பட்டதாக சொல்லப்படுகிறது. இன்று திரிணாமுல் காங்கிரஸ் தொண்டர்களால் டாடா மோட்டார்ஸ் ஊழியர்கள் மிரட்டப்பட்டதால் அதில் ஒப்பந்த அடிப்படையில் வேலை பார்த்து வந்தவர்கள் 15 சதவீதத்திற்கும் குறைவாகவே வந்திருந்தனர். எனவே இன்று உற்பத்தி அனேகமாக நிறுத்தப்பட்டு விட்டது என்று சொல்கிறார்கள்.

நானோ கார் தொழிற்சாலைக்கு எதிராக நடத்தப்படும் போராட்டத்திற்கு முகேஷ் அம்பானி கடும் எதிர்ப்பு தெரிவித்துள்ளார்.


பழநி அருகே பெரியகலையம்புத்தூரில் திருவள்ளுவருக்கு கோயில் கட்டப்பட்டுள்ளது

பெரியகலையம்புத்தூர் வள்ளுவர் தெருவில் திருவள்ளுவருக்கு ரூ.1 லட்சத்து 20 ஆயிரம் செலவில் கோயில் கட்டப்பட்டுள்ளது. 10 மாதங்களுக்கு முன் இந்த கோயிலின் கட்டுமான பணிகள் துவங்கியது . இங்கு 4.5 அடி உயரமுள்ள கல்லால் ஆன திருவள்ளுவர் சிலை ஸ்தாபிக்கப்பட உள்ளது.ஒரு அடி உயரத்தில் பீடம் உள்ளது. வரும் 30ம் தேதி காலை 5 மணிக்குமேல் கும்பாபிஷேகம் நடைபெற உள்ளது.

08 28, 2008

Posted by simba in News.
add a comment

தொடரை வென்றது இந்தியா

இந்தியா-இலங்கையிடையேயான 4-வது ஒரு நாள் கிரிக்கெட் போட்டியில் இந்தியா 46 ரன் வித்தியாசத்தில் வெற்றி பெற்றது. முதலில் விளையாடிய இந்தியா, 49.4 ஓவரில் அனைத்துவிக்கெட்டுகளையும் இழந்து 258 ரன் எடுத்தது. 259 ரன் வெற்றி இலக்காக கொண்டு களமிறங்கிய இலங்கை அணி 46.3 ஓவரில் அனைத்து விக்கெட்டுகளையும் இழந்து 212ரன் மட்டுமே எடுத்தது. இந்த வெற்றியின் மூலம் இந்தியா 3-1 என்ற கணக்கில் ஒரு நாள் தொடரை கைப்பற்றி உள்ளது.

இன்றைய சுவையான செய்திகள் 08 27, 2008

Posted by simba in News.
3 comments

முதல்வராகிறார் சிபு சோரன் இன்று பதவியேற்கிறார்

ஜார்க்கண்ட் முதல்வராக தான் நினைத்தபடி சிபு சோரன் இன்று பதவியேற்கிறார். ஜார்க்கண்ட் முக்தி மோர்ச்சா தலைவர் சிபு சோரன் முதல்வராவதற்கு, மதுகோடா ஆதரவு தெரிவித்ததை அடுத்து, ஜார்க்கண்ட் மாநில அரசியலில் கடந்த சில நாட்களாக நீடித்து வந்த பரபரப்பும், குழப்பமும் முடிவுக்கு வந்துள்ளது. பெரும்பான் மைக்கு தேவையான 42 MLA,க்களின் பட்டியலை சிபு சோரன், கவர்னர் சையது சிப்தே ரசியிடம் நேற்று முன்தினம் அளித்தார்.

இதற்குமுன்  2005ல் முதல்வராக பதவியேற்றார். பெரும்பான்மையை நிரூபிக்க முடியாத தால், ஒன்பது நாட்கள் மட்டுமே அவரால் முதல்வர் பதவியில் நீடிக்க முடிந்தது.

இந்தியா-இலங்கை 4-வது ஒருநாள் கிரிக்கெட் இன்று துவக்கம்

இந்தியா-இலங்கை அணிகளுக்கு இடையேயான 4-வது ஒருநாள் கிரிக்கெட் போட்டி கொழும்பு பிரேமதாசா மைதானத்தில் இன்று நடைபெறுகிறது.ஏற்கனவே முடிவடைந்துள்ள 3 போட்டிகளில் 2-ல் இந்திய அணியும்,ஒன்றில் இலங்கை அணியும் வெற்றி பெற்றுள்ளது. இந்நிலையில் கோப்பையை கைப்பற்றும் அணியை நிர்ணயிக்கும் 4-வது போட்டி நேற்று நடைபெறுவதாக இருந்தது. மழை காரணமாக ஒத்திவைக்கப்பட்ட இப்போட்டி இன்று மீண்டும் நடைபெறுவதாக அறிவிக்கப்பட்டுள்ளது.

புயல் தாக்கும் அபாயத்தால் கச்சா எண்ணெய் விலை உயர்ந்தது

அமெரிக்காவில் உள்ள மெக்ஸிகோ வளைகுடா பகுதியில் குஸ்டவ் என்ற புயல் தாக்கும் அபாயம் இருப்பதாக வந்த தகவலால் கச்சா எண்ணெய் விலை உயர்ந்து விட்டது. ரஷ்யாவில் இருந்து பிரிந்து சென்ற ஜார்ஜியா விவகாரத்தில் ரஷ்யாவுக்கும் மேலை நாடுகளுக்கும் இடையே கருத்து மோதல் நடந்து வருவதாலும் கச்சா எண்ணெய் விலை உயர்வதாக சொல்கிறார்கள். நியுயார்க் சந்தையில் நேற்று அமெரிக்காவின் லைட் ஸ்வீட் குரூட் ஆயில் விலை ( அக்டோபர் டெலிவரிக்கானது ) பேரலுக்கு 67 சென்ட் உயர்ந்து 116.94 டாலராக இருந்தது.

Adults Only காட்சிகளை ஒளிபரப்ப டிவி சேனல்கள் ஆர்வம்

வயது வந்தவர்கள் மட்டும் பார்க்கும் வகையிலான காட்சிகளை, இரவு நேரங்களில் ஒளிபரப்ப அனுமதிக்க வேண்டும் என, மத்திய அரசை “டிவி’ சேனல்கள் கேட்டுக் கொண்டுள்ளன.தனியார் தொலைக்காட்சி சேனல்களை உறுப்பினர்களாக கொண்ட, “இந்தியன் பிராட்காஸ்டிங் பவுண்டேஷன்’ என்ற அமைப்பு, மத்திய தகவல் ஒளிபரப்பு அமைச்சகத் திடம் கோரிக்கை.