jump to navigation

சிலந்திகள் கையில் இளைஞர்கள் 09 12, 2008

Posted by simba in சமூகம்.
4 comments

பெருகி வரும் தொழில் நகரங்கள், எந்திர வாழ்கையில் பணத்தை தேடும் மக்கள் கூட்டம். அதற்காக எத்தனை எத்தனை போராட்டங்கள்.  தமது வாழ்கையை மேம்படுத்திக்கொள்ள, இரவு, பகல் பாராமல் உழைக்கும் உள்ளங்கள். இவ்வாறான மக்களளின் அறியாமையை பயன்படுத்திக்கொண்டு, செழித்து வளரும் கார்ப்பரேட் நிறுவனங்கள்,  இது போதாது என்று “பணம் தேவையா? 24 மணி நேரங்களில் எளிதான கடன். சுலபமான மாதத்தவணைகளில்” என்று நரகத்தின் வாயில்கதவை திறந்து வைத்து காத்திருக்கும் தனியார் வங்கிகள்.

இவ்வாறான நிலையில் சத்தமில்லாமல் சீரழிந்து வருகிறது இளைஞர்களின் வாழ்க்கை. ஆம் ” என்னிடம் சில இளைஞர்களை கொடுங்கள் இந்த உலகையே மாற்றி காட்டுகிறேன்” என்று ஒருவர் கூறினார். இன்றைய இளைஞர்களே நாளைய இந்தியாவின் எதிர்காலம்” என்று ஒருவர் கூறினார். “இளைஞர்களே, நாளைய ஆட்சி மாற்றம் உங்கள் கையில் தான் உள்ளது” என்றும் ஒருவர் கூறிக்கொண்டுள்ளார். இவ்வாறான இளைஞர்கள், கூலிப்படைகளாகவும், குண்டர்களாகவும் மாற்றபடுகின்றனர்.  அதிர்ச்சியாக உள்ளதா, மேலே படியுங்கள்.

அதிகம் படித்தவர்கள் மென்பொருள் வேலைக்காக வெளிமாநிலம், வெளிநாடு சென்றுவிடுகிறார்கள். அளவாக படித்தவர்கள் அதற்கேற்ப வேலைக்கு செல்கிறார்கள். ஆனால் அரைகுறையாக படித்தவர்கள்? பல ஆணி புடுங்கும் நிறுவனங்களின் ஆசை வார்த்தைகளை நம்பி, அல்லாடிகொண்டிருக்கிறார்கள். ஆம், கவர்ச்சியான மாத சம்பளம், கடலை போட செல்பேசி, வருடம் முழுவதும் ஊக்கதொகை. இந்த வேலைக்கான தகுதி இருசக்கர வாகனம் ஓட்ட தெரிந்தால் போதும், என்ற விளம்பரங்களை பார்த்து விற்பனை பிரதிநிதிகலாகும் இளைஞர்களே அவ்வாறு மாற்றப்படுகின்றனர்.

முதலில் அன்பொழுக பேசி, இந்த வேலை மூலம் இவ்வளவு பணம் கிடைக்கும் என்று ஊக்கப்படுத்தி, கேளிக்கை, விருந்து என்று உற்சாகப்படுத்தி பின்பு பாதாளத்தில் தள்ளும், வேலையை செவ்வனே செய்து வருகின்றன பல நிறுவனங்கள் மற்றும் வங்கிகள். மாதா மாதம் ஒரு குறிப்பிட்ட இலக்கை (விற்பனையில் அல்லது வசூலில்) கொடுத்து, அதற்காக அவர்களை இரவு பகல் பாராமல் வேலை வாங்குகின்றனர். ஒரு வேலை இலக்கை எட்டத்தவறினால் அவர்கள் மிருகங்களை விட கேவலமாக நடத்தி, வெளியேற்றப்படுகிறார்கள். இதில் தப்பி பிழைத்து, இலக்கை அடைபவர்களுக்கு எந்த விதமான பதவி உயர்வோ, நிரந்தர பனி நியமனமோ வழங்கப்படுவதில்லை. தொழிலாளர் வைப்பு நிதி போன்ற எந்த ஒரு சலுகைகளும் வழங்கப்படுவதில்லை. இன்னும் சொல்லப்போனால் இவ்வாறான நிறுவனங்களின் பணியாளர் பட்டியலில் கூட இவர்கள் சேர்க்கப்டுவதில்லை.

தமது மேலதிகாரிகளின் இழிசொல்லுக்கு பயந்து, இலக்கை அடைய வேண்டும் என்று பாடுபடும் சில விற்பனை பிரதிநிதிகள், தமது எல்லைகளை மீறி, தவறான வாக்குறுதி, வசூலிக்கும் பொழுது வன்முறையை பயன்படுத்துவது போன்ற காரணங்களால், அடி உதை, சிறை தண்டனை போன்றவற்றுக்கும் ஆளாகின்றனர். பின்னாளில் இதே அவர்கள் பாதை மாற காரணமாக அமைகிறது.

ஏற்கனவே அரசியல், சினிமா, மது, மாது என்று சீரழியும் இளைஞர்கள் பட்டாளம் ஒருபுறம் இருக்க, வாழ்கையில் முன்னேற வேண்டும் என்ற நோக்குடன் வரும் இளைஞர்கள் இவ்வாறான சிலந்திகள் கைகளில் சிக்கி சீரழிவதை தடுக்க எந்த ஒரு சட்டமும் இல்லையா?  இல்லை, இதற்காக குரல் கொடுக்க ஈரமுள்ள நெஞ்சங்கள் எவரும் இல்லையா?  உங்கள் கருத்துக்களை ஆவலுடன் எதிர்நோக்கும்….

சிம்பா.

Advertisements

சிரிங்க வாய்விட்டு சிரிங்க 09 10, 2008

Posted by simba in சிரிப்பு.
4 comments

கல்யாணம் ஆவதற்கு முன்

(படிக்க மேலிருந்து கீழ்)

He: Yes. At last. It was so hard to wait.
She: Do you want me to leave?
He: No! Don’t even think about it.
She: Do you love me?
He: Of course! Over and over!
She: Have you ever cheated on me?
He: No! Why are you even asking?
She: Will you kiss me?
He: Every chance I get.
She: Will you hit me?
He: Are you crazy! I’m not that kind of person!
She: Can I trust you?
He: Yes.
She: Darling!

கல்யாணம் ஆன பின்

(படிக்க கீழிருந்து மேல்)

என்ன கைம்மாறு செய்வேன் 09 10, 2008

Posted by simba in அனுபவங்கள்.
2 comments

நன்றி என்று ஒரு வார்த்தையில் கூறிவிட முடியாது, இன்று நான் அடைந்த ஆனந்தத்திற்கு, அந்த ஒருவார்த்தை மட்டும் போதாதது, மௌனம் மட்டுமே இதற்கு என்னால் முடிந்த கைம்மாறு.  ஒரு மாணவனுக்கு தனது குருவின் பாராட்டே மிகப்பெரிய வாழ்த்து.  ஆகையால் திரு.சரவணன் சார் அவர்களின் மாணவர்களில் நானும் ஒருவன் என்பதில் எனக்கு தான் பெருமை.

அவரது பங்குவணிகம் வலைத்தளத்தில் குறிப்பிட்டிருந்த காரணத்தால் மிக அதிகமான பார்வையாளர்கள், பின்னூடங்கள். அனைவருக்கும் எனது மனமார்ந்த நன்றிகள். மேலும் திரு.பஷீர் அவர்கள் கேட்டுள்ள கேள்விக்கு திரு.அமுதன் பதில் அளித்துள்ளார். படித்துப்பார்த்து விட்டு தங்களது கருத்தை கூறவும்.

யாருகிட்ட சொல்லி அழ 09 9, 2008

Posted by simba in அனுபவங்கள்.
2 comments

ஜனவரி 2008 நினைவுகள்

அண்ணே இது கட்டுரை இல்லீங்கோ, நம்ம சொந்த அனுபவம்.  அவரசமா சம்பாதிக்க ஆசைப்பட்டு , அடி இல்ல இடி வாங்கிய பல பேர் ல நானும் ஒருத்தன். (வேற எதுல பங்கு சந்தைல தான்). எப்படி இது நடந்துது என்பதை பலபேர் சொல்லிருக்காங்க. இதுக்கு மேல இவன் புதுசா என்ன சொல்லிட போறான், என்று நீங்க சொல்வது எனக்கு கொஞ்சம் சத்தமாவே  கேட்கிறது. ஆனாலும் ஏதாவது சொல்லியே ஆகணும். தலைப்பு வச்சாச்சு, இன்று சந்தை நிலவரம் வேற சரி இல்ல, அப்போ சரிவிற்கு பின் ஏற்பட்ட நிகழ்வுகள் சொல்லலாமே என்று இதை எழுதுகிறேன்.

என்னமோ சொல்லானும் நு ஆசை பட்டுடான், விடமாட்டன் போல என்று எனக்கு அர்ச்சனை செய்து கொண்டே இதை படிப்பவர்களுக்கும் எனது நன்றி.

இந்த வருடத்தின் ஆரம்பத்தில் ஏற்பட்ட சரிவிற்கு பின் நண்பர்கள் அனைவரும் ஒன்று கூடினோம்,(வேற எதுக்கு துக்கம் விசாரிக்கத்தான்) நண்பரின் அலுவலக அறைக்குள் செல்லும் பொழுது எனக்கு முன்னரே அங்கு அனைவரும் ஆஜர்.

நான் தான் லேட் போல என்று சொல்லிக்கொண்டே உள்ளே சென்றேன். “வாப்பா இப்பதான் ஒரு joker குறைதுனு  சொல்லிகிடேருந்தேன்  உடனே வந்துட்ட”  என்றவாறே அன்பு நெஞ்சங்கள் என்னை வரவேற்றன. நானும் விடாமல் என்ன தங்கம் தேய்மானம் அதிகமா என்று கேட்டு  எனக்கு ஒதுக்கப்பட்ட இடத்தில் அமர்ந்தேன்.

அட நீ வேற இப்போதைக்கு கொவனமாது மிச்சம் இருக்கு. இன்னும் ரெண்டு நாள் சேந்து இருந்த அநேகமா இந்த தங்கத்த அடகு கடைல தான் பார்த்திருப்ப என்றார் தங்கம்.
அவர் சொல்வதை கேட்டவாறே அந்த இடத்தை பார்வையிட்டால், அட நம்ம வக்கீலு,  விடுவோமா,  
என்ன வக்கீல் அண்ணே shave பண்ண கூட நேரம் இல்லாம share market ல கலக்குறீங்க போல…
அதற்க்கு அவர் , வாடா நீதான் பாக்கி, ஒழுங்கா மாசம் நாலு drink and drive பார்த்தமா பொழப்ப ஒட்டுனமா நு இருந்தேன். இப்ப சந்தோசமா. சவர கடைல போய் பண்ற வேலைய, கத்தி இல்லாம computer முன்னாடி உக்காந்து பண்ணிடீங்க. நல்ல இருங்கடா நல்லா இருங்க. என்று என்னை விழுங்குவது போல் ஒரு பார்வை பார்த்து தனது வெண்குழலில் லயித்தார்.

நீங்க ஒன்னும் தப்பா  எடுத்துகாதீங்க, நல்ல மனுஷன் தான் பாவம்… சரி உங்களுக்கு நம்ம மீசையை அறிமுகப்படுத்தறேன், கண்டிப்பா அவன் மாட்டியிருக்க மாட்டான், ஆமா மீசை எங்க தங்கம். ஆளையே காணோம்….

தங்கம்: அவரு ஒரு ball ல 6 sixer அடுச்ச களைப்புல பக்கத்து ரூம் ல தூங்கிட்டு இருக்கார்.  அநேகமா bat இன்னும் கைல தான் இருக்கும், உள்ள போறதுனா எதுக்கும் கொஞ்சம் ஜாக்கிரதையா போ, என்று சொன்னார்.  இதுக்கு மேல உள்ள போக நான் என்ன முட்டாளா…

அப்பொழுது தான் யாரோ ஒருவரின் அழுகுரல் என்னை உசுப்பியது…. நம்ம வேலையை வேற யாரோ பண்றாங்களே, யார் அது என்று பார்த்தால், நம்ம வீட்டோட மாப்பிளை.

பக்கத்துல போய் தலையை உயர்திப்பார்தால்,  வீங்கிய கன்னம் வாடியமுகம். எனக்கு ஒரே குழப்பம், என்னடா மாப்ள இப்படி இருக்க என்று நான் கேட்டதுதான் தாமதம், எங்கு வைத்திருந்தானோ அவ்வளவு கண்ணீரை, ஓ வென்று அழுதுவிட்டான்.

நண்பா உனக்கே தெரியும், நான் என் பொண்டாட்டி வீட்ல தான் இருக்கேன். அவங்க வீட்ல குடுத்த பணத்த வச்சு தான் பைனான்ஸ்  வச்சேன். அதுல இருந்த பணத்த எடுத்துதான் market ல போட்டேன்.  இது எல்லாம் அவங்களுக்கு தெரியும். (மூச்சு வாங்கினான்)

சரி மேல சொல்லு என்றேன்…

லாபம் வந்தபெல்லாம் ஒன்னும் சொல்ல, ஆனா இப்போ நஷ்டம் ஆய்டுச்சு நு சொன்னேன். அவ்ளோதான் மருமகன் நு கூட பார்க்காம,(இந்த இடத்தில் வன்முறை கருதி சென்சார் செய்யப்படுகிறது) எத்தன பேர்னு கூட தெரியல. ஆனா அத பத்தி நான் கவலப்படுல, கடைசீயா பொண்டாட்டியும் சேர்ந்து அடுசிட்டாட மாப்ள… என்று மறுபடி
அழ ஆரம்பித்தான்.

இப்போ சொல்லுங்க, இந்த நிலைமையில் என்னோட கஷ்டத்த யாருகிட்ட சொல்லி அழ?

பாதை மாறிய நதி 09 7, 2008

Posted by simba in News.
8 comments

ஒரு உண்மை சம்பவம்

என்னடா இவன் பீடிகை பலமா போடுகிறானே என்று யாரும் அச்சப்பட வேண்டாம்.  நான் இரண்டு நாட்களுக்கு முன் எனது பள்ளி தோழனை சந்திக்க நேர்ந்தது. “அவனாட நீ” என்று ஆச்சிரியப்பட வைத்தது அவனிடம் இருந்து பெறப்பட்ட செய்திகள். இப்படி எல்லாம் நடக்குமா, என்று எண்ணிய பல விசயங்களை, இப்படித்தான் நடக்கும் என்று உணர்த்தியது அவன் கூறிய உண்மைகள். இதை படிக்க குறைந்தது பத்து நிமிடங்களாவது ஆகும். ஆகையால் நேரம் இருக்கும் நண்பர்கள் மேலே படிக்கவும்.

பள்ளி நாட்கள்:

இவனை பற்றி சொல்வதற்கு குறைந்தது பள்ளியில் படிக்கும் காலத்தில் இருந்தாவது நான் ஆரம்பிக்க வேண்டும். ஆம் 12 வருடங்களுக்கு முன்னர் நாங்கள் இருவரும் ஒரே வகுப்பறையில் (படித்தோமா என்பது வேற விஷயம்) பயின்ற மாணவர்கள்.  நண்பனுக்கு சதுரங்க ஆட்டம் என்றால் உயிர். மிகவும் நேர்த்தியாக விளையாடுவான். ஆனால் பாடங்களை கற்பதில் சிறிது ஆர்வம் குறைவு. He is an Outstanding Person. ஆகையால் அவன் மைதானத்திலும், இன்னும் மேலாக பள்ளியை விட்டே விலகியிருந்த  காலங்களே அதிகம். எனவே அங்கு பயின்ற அத்தனை மாணவர்களுக்கும் அவன் தெரிந்த முகமானான்.

ஒரு முறை விடுமுறை நாளில் பள்ளி ஆசிரியர்கள் அனைவரும் திரைப்படத்திற்கு சென்றனர். அடிப்பொடி வேலைக்கு நானும் என்னுடன் சேர்ந்து சில மாணவர்களும் அவர்களுடன் சென்றோம். அதில் நமது நண்பனும் ஒருவன்.  திரை அரங்கில் ஏற்ப்பட்ட ஒரு கசப்பான நிகழ்ச்சியால், கோபமடைந்த நமது நண்பன், இதற்க்கு காரணமான ஒருவனின் கபாலத்தில் கோலி ஆடிவிட்டன். (அவனை தடுக்க சென்ற எனக்கு அவனை காட்டிலும் அதிகான அடி என்பது வேறு).  இந்த சம்பவம் வெளியே தெரிந்தால் பள்ளிக்கு கெட்ட பேர் என்று அந்த முழு பூசினியை மறைத்து விட்டார்கள்.  இதன் மூலம் நமது நண்பனுக்கு பள்ளியில் வேறு பெயர் சூட்டி மகிழ்ந்தார்கள். இந்த இடத்தில் ஒன்றை குறிப்பிட்டாக வேண்டும். அது அவனது உதவும் குணம். படிப்பு மட்டும் தான் சரியில்லையே தவிர வேறு எந்த குறையும் சொல்ல முடியாது.

வருடங்கள் கழிந்தன.  பத்தாம் வகுப்பு தேர்வில் கோட்டை விட்ட நண்பனை ஒரு two wheeler work shop இல் வேலைக்கு சேர்த்துவிட்டார் அவரது தந்தை.  ஆறு மாதங்களில் தொழிலை கற்றுக்கொண்டு புதிததாக ஒரு கடையை திறந்தான். அதுவரை மைதானத்தில் சுற்றிய நாங்கள் அவனது கடையில் முகாமிட ஆரம்பித்தோம். chess , carom என விடுமுறை நாட்களில் களைகட்டும். வாகன பழுது நீக்கும் இடம் என்பதால் பலபேருடைய நடப்பு அவனுக்கு கிடைத்தது. ஆனால் அவனது மனம் பழுதடைந்தது.

நண்பனுக்காக:

சில நாட்களில் நண்பனின் தொடர்பு விட்டுப்போனது. வேலை தேடி நான் வேறு ஊருக்கு வந்ததால் பல வருடம் கழித்து அவனை சந்தித்தேன். இனி வருவன யாவும் அவன் சொல்லி நான் தெரிந்துகொண்டது.

நாட்கள் போக போக அவனுக்கென்று ஒரு இடத்தை இந்த சமூகத்தில் உறுதி செய்து கொண்டான். இந்நிலையில் நட்பு வட்டத்துக்குள் இருந்த ஒருவனுக்கு காதல் அரும்பியது. சில நாட்களில் அது இருதலைக்காதல் ஆனது. இதற்கு உதவியது நம்ம நண்பன் தான். ( love ku help pannatha friends aa).  தனது காதலியை கைபிடிக்க நண்பனிடம் உதவி கோரப்பட்டது. அந்த பெண்ணோ மிகவும் பெரிய இடத்துப்பெண். (இங்க தான் ட்விஸ்ட் ங்கோ)

அவனது நண்பனுக்கு காதலி வேண்டும், தனக்கு பேர் வேண்டும் என்று யோசித்த நண்பன், (இவனது வாடிக்கையாளர்களில் ஏட்டும் ஒருவர். ஒருமுறை விசாரணைக்காக ஒருவனை கூடிச்சென்று, மீண்டும் விசாரணை முடித்து கையுடன் அழைத்து வந்துள்ளார். இதை பற்றி நண்பன் அவரிடம் கேட்ட பொழுது ” முன்ன ஒரு தடவ இப்படித்தான் ஒருத்தன விசாரிச்சு அனுப்பினோம். அவன் வீட்டுக்கு போகம பொய் தற்கொல பண்ணிக்கிட்டான். ஏகப்பட்ட பஞ்சாயத்து ஆய்ருச்சு. அதான் யாரு ஒருத்தன கூட்டிட்டு வர்றமோ அவங்களே மறுபடி கொண்டுபோய் வீட்ல விட்டுட்டு வருவோம் ” என்று கூறியுள்ளார்.) இந்த பிரச்சனையை தனக்கு சாதகமாக்கி கொள்ள எண்ணி , தனது நண்பனிடம் சென்று ” உன் காதலியில் அப்பாவிடம் சென்று நேரடியாக பெண் கேளு. வருவதை நான் பார்த்துகொள்கிறேன், என்று கூறியுள்ளான். இவனின் சொல்படி நடந்த நண்பன் மறுநாள் விசாரணைக்காக அழைத்து செல்லப்பட்டான்.

மாறிய பாதை:

பொதுவாக அங்கு உள்ள காவல்நிலையங்களில் காவலாளிகளின் எண்ணிக்கை குறைவாக இருக்கும். எனவே மாலை வரை நண்பனின் நண்பரிடம் விசாரணை நடந்த பிறகு உணவு அளிப்பதற்காக உக்காரவைக்கப்பட்ட நேரத்தில் ஆள் பறந்து விட்டார். (பிறகு தான் தெரிந்தது இது அனைத்தும் நண்பனின் idea என்று). ஒரு பாதுகாப்பான இடத்தில் அவரை வைத்தபின் , நண்பர் உடனடியாக மறைத்து இருப்பவரின் பெற்றோரிடம் சென்று அவரை பற்றி தெரியாது போல் விசாரித்துள்ளார். அவர்களும் நடந்ததை கூறியுள்ளனர். ஆனால் எதற்கு காவல் நிலையம் கொண்டு சென்றனர் என்று தெரியவில்லை என்றும் சொன்னார்கள்.

இந்த சந்தர்ப்பத்துக்காக காத்திருந்த நண்பன் ” இதுக்கு லவ் மேட்டர் தான் காரணம். பொண்ணு பெரிய இடத்து பொண்ணு.  போலீஸ் இவன என்ன வேன்னளும் பண்ணலாம். நாம சீக்கிரம் போய் காப்பாத்தனும் ” என்று கூறி தன்னுடன் ஒரு கூட்டத்தை கூடிக்கொண்டு காவல் நிலையம் சென்றுள்ளான். அங்கு உடனடியாக தமது நண்பரை காட்டுங்கள் என்று கூச்சளிட்டுள்ளார். மேலும் நண்பரை கொன்றிருக்கலாம் என்றும் செய்தியை கசியவிட்டுள்ளான். அன்று இரவே “நண்பரின் மறைவிற்கு கண்ணேர் அஞ்சலி, இதற்கு காரணமான காவல்துறையை சேர்ந்தவர்கள் மீதும் அந்த பெண்ணின் தந்தை மீதும் நடவடிக்கை எடுக்க வேண்டும்” என்று போஸ்டர் ஒட்டியுள்ளான்.

அன்றே இந்த பிரச்சனை பொது பிரச்சனை ஆனது. நண்பனின் தலைமையில் கூட்டம் சேர்ந்து கொண்டே போனது. சம்பவம் நடந்த இரண்டாம் நாள் பெண்ணின் தந்தைக்கு ஒரு மர்ம அழைப்பு. அதில் விசாரணைக்காக அழைத்து வந்த பையன் எங்களிடம் உள்ளான். அவனுக்கு உனது மகளை திருமணன் செய்து வைக்க வேண்டும். மேலும் எங்களுக்கு ஒரு தொகை கொடுக்க வேண்டும். இன்னும் ஒரு மணி நேரத்தில் இது நடக்கவில்லை என்றால் பையனை கொன்று பழியை உன்மீது சுமத்திவிடுவோம் என்று மிரட்டியுள்ளனர்.  முடிவாக தனது நண்பனுக்கு அவர் காதலித்த பெண்ணை திருமணன் செய்து வைத்து, தனக்கு பேரும், பணமும் சேர்த்துக்கொண்டன்..

இந்த பிரச்சனையில் தனக்கு ஒரு கட்சியின் அறிமுகம் கிடைத்தது என்றும், பின்னாளில் அதே காட்சியில், தனக்கு ஒரு பதவி தந்தார்கள் என்றும் கூறினான். அதான் பிறகு பலவித கட்டப்பஞ்சயதுகள் இவனிடம் வந்ததாம். (போலீஸ் ச வே எதிர்த்தவன்) என்று ஒரு பட்டம். நாளுக்கு நாள் இவனை நாடி வந்த கூட்டமும் அதிகரித்து.  அந்த காட்சியில் அவனது பதவியும் அதிகரித்து. இப்போ தான் மாவட்ட அளவிலான ஒரு பதவியில் இருப்பதாகவும், ஓரளவு நல்ல சொத்து சேர்ந்துள்ளதாகவும் கூறினான். இத்தனைக்கும் அவனுக்கு 27 வயது தான் ஆகிறது.

நண்பர்களே இவ்வளவு நீண்ட கட்டுரையை இங்கு வெளியிட்ட காரணம் , இப்படியும் ஒரு மனிதன் மாற்றப்படுகிறான் அல்லது மாறுகிறான். இது யாருடைய தவறு. இன்று வரை அவன் என்னை மறக்கவில்லை. சதுரங்கதையும் மறக்கவில்லை. இருவரது தனிப்பட்ட வாழ்கையை மறந்து வெகு நேரம் சதுரங்கம் ஆடிக்கொண்டிருந்தோம். என்னதான் அவன் விடைபெற்று சென்றாலும் என் மனதில் உள்ள குழப்பம் மட்டும் இன்னும் மறையவில்லை. எனது பழைய நண்பன் இன்னும் அவனுள் இருக்கிறான்.  இருந்தும் இப்படி ஒரு வாழ்கை ஏன்?

தெரிஞ்சவங்க யாராச்சும் சொல்லுங்கப்பா.

விவாத மேடை 09 6, 2008

Posted by simba in பயனுள்ள தகவல்கள்.
5 comments

நண்பர்களே

இந்த கட்டுரைக்கு நான் எதிர்பார்த்த அளவுக்கு மேலும் கருத்துகள் வந்துள்ளதை கண்டு மிகவும் மகிழ்ச்சி அடைந்தேன். திரு. சாய் சார் அவர்கள் பின்னூட்டத்தில் மட்டும் அல்லாது தனிப்பட்ட முறையிலும் வாழ்த்தியது எனக்கு உற்சாகத்தை அளித்திட்டது. திரு.ராம் இக்கட்டுரையை புதிய கண்ணோட்டத்தில் அணுகியுள்ளார். அதற்கு இந்த கட்டுரையை நமக்காக அளித்த திரு. அமுதன் தந்த விளக்கங்கள் என்று, அனைத்தும் இந்த வலைத்தளத்தின் நோக்கம் ஈடேருவதாக உணர்த்துகிறது.

ஏமாறுகிறவர்கள் இருக்கின்ற வரை ஏமாற்றுபவர்கள் இருக்கத்தான் செய்வார்கள். மருந்துக்கடை, துணிக்கடை, ஏன் திரைஅரங்கினுள் விற்கப்படும் குளிர்பானம் என இன்னும் பலவற்றில் தெரிந்தே ஏமாறுகிறோம். ஆனால் தள்ளுவண்டிக்காரரிடம், பூ விற்கும் பெண்களிடம், பழைய பொருட்கள் வாங்குவோரிடம் என பிழைப்பிற்கு  தொழில்  செய்யும் இவர்களிடம் ஒன்று, இரண்டு ரூபாய்க்காக மணிக்கணக்கில் பேரம் பேசுகிறோம். இது தான் நமது உலகம், இது இப்படித்தான் இருக்கும்.  இங்கு நல்லவர்கள் மதிக்கப்படுவதில்லை. நமது அடிப்படை வாழ்கையின் எதோ ஒரு ஓரத்தில் தவறு இருக்கிறது. இவ்வாறான கட்டுரைகள் இங்கே வளையற்றுவத்தின் நோக்கம் மற்றவர்களை குறை கூற அல்ல. நம்மை நாம் திருத்திக்கொண்டு, எச்சரிக்கையுடன் நடந்து கொள்வதற்கே.

இதை போல் மேலும் பல கட்டுரைகளை உங்களிடமிருந்து எதிர்பார்கிறேன். மேலும் பின்னுட்டத்தின் மூலம் என்னை உற்சாகப்படுத்தும் அரா, நவீன், கனகவேல், சக்தி என அனைவருக்கும் எனது பணிவான நன்றிகள்.

தகதகக்கும் தங்கம் – சில உண்மைகள் 09 5, 2008

Posted by simba in பயனுள்ள தகவல்கள்.
44 comments

தங்கநகை வாங்குவோர் கவனத்திற்கு

நமது வாழ்கையில் தவிர்க்க முடியாத ஒன்று தங்கம் என்ற உலோகம். அரசன் ஆனாலும் சரி ஆண்டி ஆனாலும் சரி, கடுகளவாவது தங்கம் இல்லாமல் வாழ்வதில்லை.  இந்த அளவு மதிப்பு வாய்ந்த உலோகத்தை வாங்கும் பொழுது இன்று வரை யாரும் முழுமனதுடன் வாங்குவதில்லை. காரணம் தம்மை ஏமாற்றியிருபார்களோ என்ற உணர்வு.

உண்மை … சாமானியர்கள் இன்றுவரை ஏமாற்றப்படுள்ளர்கள்,, அல்லது ஏமாந்துள்ளர்கள்,,  தங்கத்தின் எடையில் அல்ல தரத்தில். இதை தவிர்க்க வழியே இல்லையா. இந்த தொழில் செய்வோர் அனைவரும் இப்படிதானா. கண்டிப்பாக இல்லை.

நகை தொழிலும் பல நல்ல வியாபாரிகள் உள்ளனர். என்ன ஒன்று நல்லவர்கள் விளம்பரப்படுதப்படுவதில்லை. ஆகையால் இங்கே சில கோட்டான்கள் குதித்து விளையாடிக்கொண்டிருகிறார்கள், ஏமாந்தவர்களின் இதயத்தில் ஏறி.

இதற்கான ஒரு சிறு விழிப்புணர்வு முயற்சியே தொடர்ந்து வரும் கட்டுரை. இந்த இடத்தில் இந்த கட்டுரையை எழுதிய நண்பர் திரு.தமிழ் அமுதன் பற்றி குறுப்பிட்டே ஆகா வேண்டும். இவர் தங்க பட்டறை நடத்தி வருகிறார். தனது தொழிலின் மீது கொண்ட மரியாதையின் காரணமாக இந்த கட்டுரையை எனது வேண்டுகோளுக்கிணங்க, நமது வலைத்தளத்தில் இடுவதர்க்காக அனுபியுள்ளார். அவரது வேலைகளுக்கு இடையில் சிரமம் பாராமல் அவர் செய்த இந்த உதவிக்கு நான் நன்றி சொல்ல கடமைப்பட்டுள்ளேன்.

இனி தங்கம் என்ற உலோகத்தின் உலகத்திற்கு செல்வோம்…

91.6  ……  ஒரு விளக்கம்

91.6 என்பது ஒரு கிராம் ஆபரண தங்கத்தில்  91.6%   சுத்தமான  24  கேரட்  தங்கம் .  மீதி  8.4  சதவீதம்  செம்பு ,மற்றும்  வெள்ளி  ஆகும். 91.6   தங்கம்தான்  22 கேரட்  தங்கம் .

KDM   என்றால்  என்ன ?

முன்பெல்லாம் நகை செய்பவர்கள் பற்றவைக்க பொடி என்று  ஒரு கலவையை  பயன் படுத்துவார்கள் . (தங்கம் + வெள்ளி +செம்பு )  இந்த மூன்றும் சேர்ந்ததுதான் பொடி .  இந்த  பொடியை பயன்படுத்தி  நகை பற்றவைக்கும் போது  பொடியில் உள்ள செம்பு , மற்றும் வெள்ளி ஆகியவை நகை உடன்  சேர்ந்து விடும்  அதனால் தங்கத்தின் தரம் குறைந்து விடும் . ஆனால் KDM வந்த பிறகு அந்த பிரச்சனை  இல்லை . ஒரு கிராம் தங்கத்திற்கு நூறு மில்லி கிராம் அளவில் KDM சேர்த்தால்  போதும். பற்றவைக்க இதனை பயன் படுத்தலாம் .பற்றவைக்கும் போது  ஏற்படும் வெப்பத்தில் KDM மட்டும்  தீய்ந்து  போய்விடும். சுத்தமான தங்கம் மட்டும்  நகையில் இருக்கும் .

செய்கூலி சேதாரம்

தற்போது கூலி இல்லை ,சேதம் இல்லை என விளம்பரங்கள் வருகின்றன .ஆனால் கூலி இல்லாமல் சேதம் இல்லாமல் தரமான 91.6 kdm நகையை கொடுக்க முடியாது. உதாரணமாக  கல் வைத்த மோதிரம் ஒரு நகை பட்டறையில் எப்படி தயாராகிறது என்று பார்ப்போம்.

  • 1. முதலில் சுத்தமான 24 கேரட் தங்கம், செம்பு மற்றும் வெள்ளி சேர்த்து , 22 கேரட் ஆபரண தங்கமாக மாற்ற படுகிறது
  • 2. மோதிரம்  முதலில் மோல்டிங்  செய்யப்படுகிறது . மோல்டிங் செய்ய நகை செய்பவரால் கூலி மற்றும்  சேதம் கொடுக்க படுகிறது.
  • 3. பின்னர் அளவு தட்டி, ராவி  சுத்தம்  செய்ய படுகிறது . அளவு தட்டும் போதும் , ராவும் போதும்  சேதம் ஏற்படும் .
  • 4. அடுத்து மோதிரம் பம்பிங்  முறையில் மெருகு ஏற்ற படுகிறது. இதிலும் சிறிது சேதம் ஏற்படும்.
  • 5. பின்னர் கல் வைத்து செதுக்க படுகிறது. கல்வைக்க, செதுக்க , நகை செய்பவரால் கூலி ,மற்றும்  சேதம்  கொடுக்க படுகிறது.
  • 6. பின்னர்  நீர் மெருகு போடப்பட்டு  மோதிரம் இறுதி வடிவம் அடைகிறது.

இப்படி  ஒரு மோதிரம் செய்ய  இவ்வளவு  வேலை இருக்கும் போது  கூலி இல்லாமல் ,சேதம் இல்லாமல்  தரமான       916   KDM   நகை எப்படி கொடுக்க முடியும் .  அப்படியே  கொடுத்தாலும் வேறுவகையில் பிடுங்கி விடுவார்கள்.

ஒரு நகை செய்ய நகையின் தன்மைக்கு ஏற்ப  மூன்று முதல் எட்டு  சதவீதம் வரை  நகை செய்பவருக்கு கொடுக்கப்படுகிறது . இடைத்தரகர்  மூலம்  (  இடைத்தரகருக்கு கமிசன் போக )  மொத்த  வியாபாரிக்கு செல்கிறது . பிறகு  (மொத்த வியாபாரிக்கு கமிசன் போக ) நகை கடைக்கு செல்கிறது . மக்கள் நகை வாங்க செல்லும் போது இடைதரகர் கமிசன் ,மொத்த வியாபாரி கமிசன் எல்லாம்  மக்கள் தலையில் சுமத்தப்படுகிறது.

நகை  வாங்கும்  போது

91.6  KDM    மட்டும்  வாங்கணும்

ஒரு கிராம் ஆபரண தங்கம் விலை  ஆயிரம் ரூபாய் எனில் , கூலி  சேதம் வேறு  எல்லாம் சேர்த்து  15 முதல் 20  சதவீதம் அதிகம் கொடுத்து வாங்கினால் அதுவே அதிகம்.

இப்போது  சென்னை, கோவை, மதுரை  போன்ற நகரங்களில்  மக்கள் நேரடியாக தங்கள் நகைகளை வெறும் 25 ரூபாய்  செலவில் தர சோதனை செய்து கொள்ளலாம்.

மிகவும் தரம் உள்ள நகைக்கு  மட்டுமே ஹால் மார்க் போடுவார்கள் .  ஹால் மார்க் என்பது தரத்திற்கான சான்று . ஹால்  மார்க் முத்திரை இடும் நிறுவனம் துவங்க லட்ச கணக்கில் செலவுஆகும்.  ஹால் மார்க் என்றால் 22CT  மட்டும் அல்ல 14CT  ஹால் மார்க் 18CT   ஹால் மார்க்  அப்படி  உள்ளது. மிக மிக சிறிய அளவில் தரம் குறைந்தாலும் ஹால் மார்க்  முத்திரை கிடைக்காது.

22CTகீழ்  உள்ள நகை விற்பனை செய்வது சட்டப்படி குற்றம் .

ஆனால்14CT,18CT  ஹால் மார்க் முத்திரை பெற்று அதற்குரிய  விலை வாங்கி கொண்டு விற்பனை  செய்யலாம்.

சிறு குறிப்பு:

KDM என்று  சொல்வது  முதலில் தவறு.  CADMIUM என்பதை கேடியம் என சொல்லி KDM  என்று ஆகி விட்டது.

நண்பர்களே நகை வாங்கும் விசயத்தில் ஏமாந்த அப்பாவிகளில் நானும் ஒருவன். கடைசியாக நான் நகை வாங்கியபொழுது எனக்கு திரு. பாலா  மிகவும் உதவியாக இருந்தார். அவரும் ஒரு நகை பட்டறை நடத்தி வருகிறார். எனவே இந்த கட்டுரையை படிக்கும் அன்பர்கள் கண்டிப்பாக பின்னுட்டமிட வேண்டுகிறேன். மேலும் இங்கு குறிப்பிட்டுள்ள விஷயங்கள் தவிர வேறு ஏதாவது சந்தேகங்கள் இருப்பின் நமது வலைத்தளத்தில் குறிப்பிடவும் அல்லது நமது நண்பர்கள் தமிழ் அமுதன் , பாலா இவர்களுக்கு மின்னஞ்சல் செய்யவும்.

09 4, 2008

Posted by simba in பயனுள்ள தகவல்கள்.
6 comments

நன்றி நன்றி நன்றி

இன்று வரை இந்த வலைத்தளத்தை பார்வையிட்ட அனைத்து நல்ல உள்ளங்களுக்கும் எனது மனமார்ந்த நன்றி.  இதில் பின்னோடமிட்ட பாலா, ராஜி அக்கா, வீனா , ராம் , நவீன் , அரா, தமிழ் அமுதன் ,  F&O புலி திரு. சாய் கணேஷ் சார்  , மற்றும் இதற்கு உந்துசக்தியாக இருந்த குரு திரு.சரவணன் என அனைவரையும் நான் பணிவுடன் வணங்குகிறேன்.

இந்த வலைத்தளத்தை நான் உருவாக்க காரணம் இதில் எனது கருத்துகளை மட்டும் வலையேற்ற அல்ல. இந்த வலைத்தளத்தை பார்வையிடும் அனைவரின் பங்களிப்பும் இதில் இடம்பெறவேண்டும் என்ற எண்ணத்தினால்தான். எனவே உங்கள் அனைவரையும் இதில் பங்கெடுக்க மீண்டும் அழைக்கிறேன்.

இந்த ஆதரவு என்றும் தொடர வேண்டும். நன்றி.

09 4, 2008

Posted by simba in News.
3 comments

வணிகம் செய்யும் அன்பர்களுக்கு ஒரு இனிப்பான செய்தி

இது வரை வாரம் ஒருமுறை வந்து நம் அனைவரின் வயிற்றிலும் புளியை கரைத்த பணவீக்க விவரம் இனி அடுத்த மாதம் முதல் ஒவ்வொரு மாதமும் 15 ஆம் தேதியன்று வெளியிடப்படும் என்று ரிசர்வ் வங்கியின் புதிய ஆளுநராக நியமிக்கப்பட்டுள்ள சுப்பாராவ் அறிவித்துள்ளார்.

மத்திய அரசின் இரட்டை வேடம் 09 4, 2008

Posted by simba in News.
2 comments

ஒன்னுமே புரியல ஒலகத்துல என்னமோ நடக்குது மர்மமா இருக்குது

எது நடக்கக்கூடாது என்று நினைத்தோமோ அது நடந்து விடும் என்று இப்பொழுது நினைக்க தோன்றுகிறது. காரணம் மத்தியில் ஆளும் அரசின் இரட்டை வேடம். அணுசக்தி ஒப்பந்தத்தில் புதிது புதிதாக உருவாகும் சிக்கல்கள் அல்லது வெளிவரும் உண்மைகள் அனைத்தும் ஒவ்வொரு இந்தியனின் மனதிலும் பலவித கேள்விகளை எழுப்பியுள்ளன.

தான் நினைத்த காரியம் நடக்க வேண்டும் என்று ஒரே முடிவுடன் இந்தியாவின் இறையாண்மையை புஷ் அரசிடம் மாண்புமிகு இந்திய பிரதமர் அடகு வைத்து விட்டார் என்றே இப்பொழுது நடைபெறும் அரசியல் விளையாட்டுகள் உணர்த்துகின்றன.

9 மாதங்களாக காக்கப்பட்ட ரகசிய கடிதம் இப்பொழுது வெளியாகி உள்ளது. அதில் “இந்திய அரசு அணுஆயுத சோதனை நடத்துமானால் அடுத்த நொடியே இந்த ஒப்பந்தம் முறிந்துவிடும் ” என்று அதில் குறிபிடபப்படுள்ளதாக தகவல் வெளியாகி உள்ளது. இதில் நம்மை வியக்க வைத்த விஷயம் ” இந்த தகவல் அனைத்தும் இந்திய அரசிடம் முன்னரே தெரிவித்து விட்டோம். அதன் பிறகு இதில் எந்த மாற்றமும் செய்யப்படவில்லை. இந்திய அரசுக்கு தர்மசங்கடமான நிலை ஏற்படாமல் தடுக்கவே இந்த தகவலை வெளியிடாமல் தாமதித்தோம் ”  என்று  அமெரிக்காவின் வெளியுறவு கொள்கைகளுக்கான நாடுமன்ற உறுப்பினர்கள் குழுவின் தலைவர் பெர்மான் தெரிவித்துள்ளார்.

ஆனால் இந்திய அரசோ இதை பற்றி வெளிப்படையான கருத்துக்களை இதுவரை வெளியிடவில்லை. அமெரிக்கா நாட்டின் சட்டம் இந்திய அரசை கட்டுப்படுத்தாது. இது வெறும் ஒப்பந்தம் மட்டுமே என இன்று வரை அரைத்த மாவைவே அரைத்துக்கொண்டிருக்கிறது.  இதன் உண்மையான நிலை என்ன இதன் தாக்கம் எப்படி இருக்கும் என்று நண்பர்கள் உங்களின் பின்னூடங்களை எதிர்பார்கிறேன். .